0 تصويتات
في تصنيف أسئلة تعليمية بواسطة

ملخص عن تخصص ادارة عامة - جامعة الملك عبد العزيز- مرحباً بك في بوابة الإجابات ، المصدر الرائد للتعليم والمساعدة في حل الأسئلة والكتب الدراسية. نحن هنا لدعمك في تحقيق أعلى مستويات التعليم والتفوق الأكاديمي، نهدف إلى توفير إجابات شاملة لسؤالك ملخص عن تخصص ادارة عامة - جامعة الملك عبد العزيز نتمنى لك التوفيق والنجاح في رحلتك التعليمية.في بوابة الاجابات نعتقد بقوة في قوة التعليم ودوره في تنمية قدرات الدارسين، وكما نعمل جاهدين لتوفير بيئة تعليمية ملهمة وموارد تعليمية عالية الجودة.

الإجابة الصحيحة لسؤالك هي:

الاجابه على سؤال : 

ملخص عن تخصص ادارة عامة - جامعة الملك عبد العزيز

اذا وجدت الإجابة علي سؤالك ملخص عن تخصص ادارة عامة - جامعة الملك عبد العزيز ،وكنت بحاجة إلى المزيد من الدعم أو كانت لديك استفسارات إضافية ، فلا تتردد في اضافة سؤالاً جديدا ويسرنا تقديم الاجابة الاحترافية لكل طالب يسعى للمعرفة والتعلم.

1 إجابة وحدة

0 تصويتات
بواسطة
 
أفضل إجابة

اول شي حبايبي مبروك قبولكم ويارب َمنها للأعلى

ثاني شي بقولكم اسئلة كثير تكررت :

١- القروب ادبي بس

٢- الكلية اقتصاد وإدارة 

٣- فيها قسم واحد للبنات " ادارة عامة تطوير و تنظيم "

٣- الجدول ينزل تلقائي اول ترم، وبعدها تبدون انتو تنزلون المواد

٤-التحويل من كلية لكلية تقدرون مادام ساعاتك ماوصلت ٦٠ 

٥- اللي موزونته عالية ويبا تخصص ثاني بس الترتيب حق الرغبات يعيدها تقدر تروح العمادة مبنى ٦٦ البدروم وتعيد الرغبات وان شاءالله تتحول ، او تسوي معاملة الكترونية 

٦- التخصص مالو اختبار ، خلاص قبولك بالموزونة بس 

٧- التسكين يختلف من ترم لترم ومن سنة لسنة لانو ممكن يصير عالي وممكن ينزل " زي حظكم ماشاءالله الحين " 

٨-كل الدكتورات يحبون يبينون انهم شريرات وانو مرا مايعطون وجه بس والله كلهم فيهم خير ووقت المساعدة محد يقولك لا  

٩-ساعات الدراسة ١٢٨ ساعة للتخرج ل ٤ سنوات مع التحضيري بعدها تنقطع المكافأة وعادي تكملين دراسة 

١٠- عندك ٩ ساعات مواد حرة من كليات ثانية 

 ١١- عندك ٦ ساعات مواد عامة " ٢عربي و ثقافة ثلاث مستويات"

١٢- تقدرين بعد اول ترم تاخذين لحد ٧ مواد

١٣- في مواعيد بنص الدراسة تقدرين تحذفين لو ماعجبتك المادة ومو اجباري تدرسينها ثاني اذا كانت حرة " اذا اجبارية غصب تاخذينها

١٤- اقرب بوابة للكلية شمالية ٣ او غربية ٢ 

١٥-  المبنى رقمو ٦٧ ورا ٤٢٠ 

١٦-مادة وحدة انقليزي واخر مستوى بتكون

١٧- عندنا تقريبا ٣ مواد علمية وجدا سهله ، ممكن يكون بالمواد الثانية جزء ويكون سهل مرا وممكن ينحذف كمان

١٨- العربي والثقافة ماتدرسيها بنفس الكلية تكون بمكان ثاني ممكن ب٤٢٠ او الهندسة او اي مكان " من طلب العلايتجهجه شويا " 

١٩- الخطة الدراسة للتخصص تطلع لكم بس بعد ماينزل الجدول لكم يعني لسا شويا

٢٠- وعندنا ٦ مستويات 

٢١كل الكليات وكل التخصصات فيها اشياء صعبة وفيها سهلة وكل وحدة تفرق عن الثانية بكثير ؛ لذلك لا تسمعين كلام اي احد جربي زي ماغيرك جرب ممكن الدكتورة او المادة تعجبك رغم انها ماعجبت غيرك ..

واهم شي لا تسمعين كلام احد ولابشي سوا بالدكاترة او بالمواد او بالكلية بكبرها ، يحق لك التجربة زي غيرك ، وممكن تناسب اللي ماناسب غيرك

٢٢-أحنا هنا سوا عشان نساعد بعض ونكون عون لبعض اللي تحتاج شي تقول واللي عندها شي تقول بعد ‍♀ الله يوفقكم يارب ويجعلها بداية خير لكم وينفع فيكم 

*مجالات الوظائف في تخصص ادارة عامة*‍♥️

عندك فرص تتوظفيي ف الادارات الحكوميه لايك وزارات او مثلاً احوال زي كذا 

وتاخذي وظيفه اداريات ف المدارس 

مديره مستشفى حكومي مثلا

و كمان حتكون عندنا فرصه قدعه لو اضافو منهج غازي القصيبي ف المدارس يصير حنا ندرسه

يعني لك صلاحيه تتوظفي ف القطاعات الحكوميه كامديره او قسم الاداره ولو طورتي نفسك واخذتي ماستر مثلاً اتش ار لك مستقبل بطل

أسئلة مشابهة

مرحبا بكم في بوابة الاجابات ، الموقع الأمثل للمساعدة في حلول الأسئلة والكتب الدراسية.
...